قاراپ باقسىڭىز ھەر قايسى داڭلىق تور بېكەتلەرنىڭ ئۆزىگە چۇشلۇق تۇغ بەلگىسى بولىدۇ، شۇ بېكەتلەرنى ئاچسىڭىز توركۆرگۈنىڭ ئۈستى تەرىپىدە كىچىك بەلگىسى چىقىپ تۇرىدۇ، ئەمدى بىز ئۇنداق چوڭ بېكەت بولمىساقمۇ، بىزمۇ ئۆزىمىزگە چۇشلۇق بەلگىلەرنى چىقىرىپ قويساق بولىۋېرىدۇ. مەن تۆۋەندە ئەڭ ئاددى خىل ئۇسۇلدا Favicon چىقىرىشنى سۆزلەي.

پرېستان ھەزرەتنىڭ بەگلىكنىڭ ئۇسلۇبىنى قايتىدىن رىمۇنت قىلىپ چىققانلىقىغا بىر قانچە ئەسىر بولاپ قالدى، ئەمما كەمىنىمۇ بەگلىكنى كۈندە مانچە قېتىم كوچىلاپ بېقىۋاتىمەن، پرېستانغا دەپ قويماي بەزى ئىقتىدارلارنى قوشۇۋاتىمەن، چىقىرىۋاتىمەن، پرېستانغا دەپ قويماي قوشۇۋالغان بىر ئىقتىدار «يا بايدىن چىقارمەن، يا سايرامدىن»نى(تۇرايىمىزدا، ۋە باشقا جايلاردا بازار چۈرگىلەش دەپ ئېلىنىۋاتىدۇ، ئاپتوردىن ئالاھىدە ئەسكەرتىش)قوشۇۋالغان ئىدىم، تەدبىرنى بۈگۈن تورداشلار بىلەن بۇ ھەقتە چاي ئىچكەچ ئولتۇرغاچ ئورتاقلىشايلى…

بىر نەچچە ھەپتە بۇرۇن جۇڭگودىكى يىنىك بلوگ مۇلازىمەت بېكەتلىرىدىن بىرى بولغان دىيەن دىيەن(点点)تورىغا تىزىملىتىپ، خەنسوچە بلوگىم ئۈچۈن ئالغان تور نامىم www.Uyghurbeg.meئاخىرى بۇ بېكەتكە باغلىۋالدىم ھەمدە بېكەت ئۆزى تەمىنلىگەن ئۇسلۇبلارنى ئىزدەپ يۈرۈپ بىر ئۇسلۇبنى تاپتىم، ئويلاپ باقسام بلوگنى يىنىكرەك يازسا بولىدىكەن، ئۇنىڭ ئۈستىگە دىيەن دىيەن تورى تەمىنلىگەن ئۇسلۇب ياراپ قالدى، شۇنىڭ بىلەن نەچچە كېچە ھەپىلىشىپ شۇنىڭ ئۇسلۇبىنى تەقلىد قىلىپ ياساپ ئۇيغۇربەگنىڭ كەپىسىگە كىيدۈرۈپ چىقتىم، ياراشقانمىدۇ دوستلار؟

Godaddy بولسا نۆۋەتتە دۇنيادىكى نوپۇزلۇق چوڭ تور نامچىلىق شىركەتلىرىنىڭ بىرى بولۇپ، باھاسىنىڭ مۇۋاپىقلىقى، ئىشلىتىش ئۇسۇلىنىڭ قولايلىقلىقى بىلەن نۇرغۇن تورداشلىرىمىزنىڭ ئالقىشىغا ئېرىشكەن. شەخسەن كەمىنە ئۇيغۇربەگمۇ ئۆزۈمنىڭ شەخسىي تور ناملىرىنى مۇشۇ شىركەتتە ساقلاۋاتىمەن  ھەمدە بىر قىسىم بلوگگېر خېرىدارلىرىمنىڭ تور نامىنىمۇ مۇشۇ يەردىن تىزىملىتىپ بىرىۋاتقان ئىدىم، ھالبۇكى ئاخشامدىن باشلاپ بىر قىسىم ئوقۇرمەنلىرىم، شۇنداقلا بىر قىسىم خېرىدارلىرىم بەس-بەستە ئۇچۇر يوللىشىپ بلوگلىرىنىڭ ئېچىلمىغانلىقىنى ئېيتىشتى، توردىكى خەۋەرلەرگە كۆرە بىر قىسىم يەرلىك «شەرەپلىك» تېلىگراف ئىدارىسى Godaddyنىڭ تور نامىنى يىشىشكە ئاتىغان DNS مۇلازىمىتىرىنى چەكلەپ قويغانمىش، شۇنىڭ بىلەن قىسمەن جايلاردا بۈگۈن Godaddyدىن تىزىملاتقان تور نامىنى زىيارەت قىلغىلى بولماسلىق مەسىلىسى كېلىپ چىققان.

WordPressنىڭ ئىچكى قىسمىدا ئۆزى تەمىنلىگەن بىر قىسىم فۇنكىسىيەلەر ئارقىلىق بېكەت سانلىق مەلۇماتلىرى، مەسىلەن: ئومۇمىي يازما سانى، باھا سانى قاتارلىق ئۇچۇرلارنى سىتاتسىكىلاشقا بولىدۇ. گەرچە بىر قىسىم قىستۇرمىلار ئارقىلىقمۇ ئوخشاش مەقسەتكە يەتكىلى بولسىمۇ، بىراق قىستۇرمىلارنىڭ كۆپىيىشى، پۈتكۈل WordPress نىڭ سۈرئىتىگە ئازدۇر كۆپتۇر تەسىر كۆرسىتىدىغان ئەھۋالمۇ بولىدۇ، شۇڭا بەزىدە يەنىلا تەييار كود ئىشلىتىشكە مەجبۇر بولىمىز.ئەلۋەتتە بېكەت سىتاتسىكا ئۇچۇرلىرى ئارقىلىق بلوگىڭىزدىكى يېڭى ئوقۇرمەنلەرنى بلوگىڭىز ھەققىدە قىسقىچە ئارخىپقا ئىگە قىلغىلى ۋە يېتەكچىلىك قىلىش رولىنى ئۆتىگىلىمۇ بولىدۇ.

«ئۇيغۇربەگنىڭ كەپىسى»نى چەتئەلنىڭ باشقا بىر بوشلۇقىدىن ئۆزىمىز ئىشلىتىپ يۈرگەن باشقا بىر بوشلۇققا كۆچۈپ كەلگەنلىكىگە بىرەر ئەسىر بولاپ قالغان ئوخشايدۇ. يېقىندا، بىر قانچە خېرىدارنىڭ تەلىپىگە بىنائەن بوشلۇق كۆچۈرۈش ھەققىدىكى ئۇزۇنغا سوزۇلغان سەپىرىمىزنى باشلاپ ئۆتۈپ، «WordPressدە مۇكەممەل بوشلۇق كۆچۈرۈشنىڭ سىرى ۋە تەدبىرى»ناملىق مەزكۇر يازمىمىز ئۈچۈن تەييارلىق قىلدۇق، مەزكۇر يازمىدا رەسىم يوق، فىلىم يوق، پەقەت ناھايىتى كەسپىي بولغان ئاتالغۇلار بىلەن بوشلۇق كۆچۈرۈشنىڭ ئاساسلىق پىرىنسىپىنى سۆزلەپ ئۆتۈش بىلەن بىرگە بارلىق جەرياننى خەرىتە شەكىلدە ئىزاھلاپ بېرىمىز، يازمىمىزغا چۈشكەن ئىنكاس ۋە تەلەپلەرگە قاراپ، مەزكۇر مەشخۇلاتنىڭ تولۇق جەريانىنى رەسىملىك ئىزاھلاپ چىقىشىمىز مۇمكىن، ئەمىسە يازمىنىڭ داۋامىغا مەرھەمەت…

Sina تورنىڭ كۆپچىلىككە سۇنغان بۇلۇت سۇپىسى SAE نىڭ تەمىنلىگەن ھەقسىز پىروگىرامما ئېچىش سۇپىسىدا نۆۋەتتە مودا بولىۋاتقان، كۆپ كىشلەر ئىشلىتىۋاتقان يېڭى پروگراممىلارنى خالىغانچە قاچىلاپ سىناپ ئىشلىتىش ۋە بىۋاستە تور يۈزىدە پروگرامما يېزىپ ئېلان قىلىش مۇلازىمىتى بىلەن تەمىنلەيدۇ.

wordpress تە ئۆزى بەلگىلەش بۆلىكىنىڭ رولى ئىنتايىن چوڭ، مەسىلەن بىر قىسىم ئۇسلۇبلاردا ئۆزى بەلگىلەش بۆلىكى ئارقىلىق نادىر سۈرئەت بەلگىلەيدۇ، يازمىنىڭ كۆچۈرۈلگەن ئەسلى ئادرېسىنى كۆرسىتىپ بېرىدۇ. مۇنداقچە ئېيتقاندا، wordpress دا يازمىدا پەقەت بىرلا ماۋزۇ يازىدىغان ئورۇن بار، ئەگەر سىز ماۋزۇنىڭ ئاستىغا ئىنگىلىزچە ماۋزۇمۇ كۆرىنىدىغان قىلماقچى بولسىڭىز، ئۆزى بەلگىلەش بۆلىكى ئارقىلىق ئەمەلگە ئاشۇرسىڭىز بولىدۇ.

ساياھىتىم تۈگەپ ئاغىينەم پرېستان بىلەن ئولتۇرۇپ بەگلىككە قانداقراق ئېسىل تېخنىكىلارنى يوللايمىز، مەسلىھەتلىشەي دەپ ئولتۇرسام بۇ ئاغىينەم يېڭى ئالغان گۈرۈچفون(小米) بىلەن ھەپىلىشىۋاتامدۇ، بىلمىدىم، يوق، ئۆزۈممۇ يېقىندىن بۇيان كومپىيۇتېر ئالدىدا ئۇزاق تۇرمىغاچقا يېڭى تېخنىكىلاردىن خەۋەرسىز قاپتىمەن، تۇيۇقسىز كاللامغا ئىنقىلابىي يولداش پرېستاننىڭ ئۆزقانى بلوگى ئۈچۈن بىر قوللۇق لايىھەلەپ پۈتتۈرگەن(پۇلغا جۇمۇ!…) يەنە بىر قاتىل ئۇسلۇبىنى پرېستانغا بىلدۈرمەي سىلەرگە ئاشكارىلىۋېتىشنى قارار قىلدىم، قىسقىسى، بۈگۈن تېخنىكا ئۆگەنمەيمىز، ئولتۇرۇپ پرېستاننىڭ يەنە بىر قاتىللىقىغا گۇۋاھ بولىمىز! ئەمىسە، قاتىللىق نەق مەيدانىغا قاراپ غەززەب بىلەن ئالغا!…

باشقۇرۇش بېتىنىڭ ئۈستى تەرىپىدە بەزىدە «ئۇ قىستۇرمىنى يېڭىلاڭ، بۇ قىستۇرمىنى يېڭىلاڭ» دېگەن خەت پەيدا بولۇپ قالىدۇ، ھە ماقۇل دەپ بىرلا يېڭىلاپ قويساق، تەلىيمىزگە ساق يېڭىلانسىغۇ مەيلى، تەلەي كەلمەي قالسا ئۇسلۇبتىكى مەلۇم بىر كود بىلەن پېتىشماي كاشال چىقىدىغان ئىش. يېڭىلىنىش ئۇچۇرىنى تۆۋەندىكى ئۇسۇل ئارقىلىق يۇقاتسىڭىز بولىدۇ.

google نىڭ ستاتىستىكىسى مەن ھازىرغىچە ئىشلىتىپ باققان ستاتىستىكا قىلغۇچنىڭ ئەڭ نوچىسى، ئەلۋەتتە نوچى بولغاندىكى ئۇنىڭمۇ ئۆزىگە چۇشلۇق كەمچىلىكى بولىدۇ، كەمچىلىكى نېمە دېگەندە ئارقا سۇپىسى مۇرەككەپ، تۇلۇق چۈشىنىشكە خېلە بىر مەزگىل كېتىدۇ. ئارتۇقچىلىقىچۇ؟ مەنچە ئەڭ چوڭ ئارتۇقچىلىقى باشقا ستاتىستىكا تور بەتلىرىدەك بلوگىڭىزنىڭ ئاستىدا بېكەت نامى چىقىۋالمايدۇ. بېكىتىڭىزنىڭ ئېچىلىش سۈرئىتىگە تەسىرى بولمايدۇ.

مەكتەپكە قايتىپ كېلىشدىن بۇرۇن، يەنى تەتىل مەزگىلىمدە ئۇيغۇربەگ تور تۇرايىنىڭ سادىق ئوقۇرمەنلىرىدىن بىر قانچەيلەن ئېلخەت،QQ ئارقىلىق ياكى تۇرايىمىزغا خەت قالدۇرۇش ئارقىلىق بەگلىكنىڭ يېڭىلىنىشىغا تەقەززا بولىۋاتقانلىقلىرىنى ئېيتىشقان ئىدى. ئۆزۈممۇ، نېمىشقىكىن، مۇشۇ خىلدىكى تەلەپ-پىكىرلەرنى كۆرگەن ھامانلا، بلوگنى يېڭىلاشقا ئالدىراشقا باشلايتىم. ئويلاپ باقسام، مەن بلوگنى ئاشۇ سادىق ئوقۇرمەنلىرىم ئۈچۈن يېڭىلاپ كېلىۋېتىپتىمەن. ئاشۇ ئوقۇرمەنلىرىم نېمىنى خالىسا شۇنى يوللاپ، نېمىنى تەلەپ قىلسا شۇنى يېزىپ كەپتىمەن. گەرچە، پىكىر ئەركىنلىكىم بىر ئاز بوغۇلغاندەك قىلسىمۇ، مەن قەتئىي ۋايسىماي شۇنى يېزىپ كەپتىمەن…